Төлеби аудандық білім бөліміне қарасты Қаратөбе жалпы білім беретін мектебінде «Адал азамат» біртұтас тәрбие жоспарына сәйкес 2026 жылдың 14 қаңтар күні «Қауіпсіз балалық шақ» жобасы аясында «Нағыз ер жігіттің белгілері» тақырыбында жоғары сынып (8, 9, 10, 11-сынып) ұлдарына арналған маңызды жиын ұйымдастырылды.
Шараның басты мақсаты – ер балалардың тұлғалық қалыптасуына бағыт-бағдар беру, олардың бойындағы жауапкершілік, ар-намыс және отансүйгіштік қасиеттерді шыңдау.
Жиын барысында инспектор Д. Өрнекбай құқықтық тәрбие бағытында түсіндірме жұмыстарын жүргізіп, жасөспірімдердің қауіпсіздігі мен тәртібі жөнінде маңызды мәліметтер берді. Тәрбие жөніндегі орынбасар Н. Оразов тәрбиелік мәні зор ой-пікірлерімен бөлісіп, ер азаматқа тән қасиеттер жайында тоқталды.
Мектеп директоры С. Даужанов жиынды қорытындылап, оқушыларға сәттілік тілеп, ел болашағы – білімді де саналы ұрпақ екендігін атап өтті.
