Бүгін Қаратөбе жалпы білім беретін мектебі жанынан ұйымдастырылған жазғы сауықтыру лагерінің салтанатты ашылуы өтті. Жазғы лагерь 26.05.2026 – 26.06.2026 жыл аралығында өз жұмысын жүргізеді.
Лагерьдің негізгі мақсаты – оқушылардың жазғы демалысын тиімді ұйымдастырып, олардың қауіпсіздігін қамтамасыз ету, шығармашылық қабілеттерін дамыту және қызықты әрі мазмұнды демалыс сыйлау.
Биылғы жазғы лагерьге жалпы 100 оқушы тартылып, оқушылар 5 топқа бөлінді. Әр топпен арнайы жетекшілер мен көмекшілер жұмыс жүргізетін болады.
Мектеп директоры Сакен Орынбекұлының бұйрығына сәйкес лагерь жұмысының сапалы әрі қауіпсіз өтуі үшін тиісті мамандар мен көмекшілер бекітіліп, жауапты қызметтер нақтыланды.
Салтанатты ашылу барысында мектеп директоры Сакен Орынбекұлы сөз сөйлеп, оқушыларды жазғы лагерьдің басталуымен құттықтады. Өз сөзінде балалардың жазғы уақытты пайдалы өткізуі, достық қарым-қатынас орнатуы, жаңа білім мен жақсы әсер алуы маңызды екенін атап өтті. Сонымен қатар, лагерь барысында қауіпсіздік ережелерін сақтау қажеттігіне ерекше тоқталды.
Іс-шара көтеріңкі көңіл-күйде өтіп, оқушылар жазғы лагердің алғашқы күнін қуанышпен қарсы алды. Алдағы уақытта лагерьде түрлі спорттық жарыстар, танымдық ойындар, шығармашылық сайыстар мен қызықты шаралар ұйымдастырылатын болады.
Балалардың жазғы демалысы көңілді де қауіпсіз өтсін!
