25 мамыр – Соңғы қоңырау мерекесі қарсаңында мектебіміздің барлық сыныптарында «Заң және тәртіп» тақырыбында сынып сағаттары өткізілді.
Сынып сағаттарының мақсаты – оқушыларға құқықтық сауаттылықты түсіндіру, қоғамдық тәртіпті сақтау, қауіпсіздік ережелерін сақтау мен жауапкершілікті арттыру болды. Оқушыларға мереке кезіндегі қауіпсіздік, қоғамдық орындардағы мәдениет, заң талаптарын сақтау жөнінде кеңінен түсіндірме жұмыстары жүргізілді.
Сонымен қатар, оқу жылы бойында білім мен тәрбие саласында жақсы көрсеткіштер көрсетіп, үздік және жақсы оқыған оқушыларды мектеп әкімшілігі арнайы марапаттады. Әр сыныпқа кіріп, оқушыларға алғыс білдіріп, мадақтамалар табыстады.
Бұл – шәкірттердің бір жылдық еңбегіне берілген үлкен құрмет әрі алдағы жетістіктерге жігер сыйлайтын сәт болды.
Білімді ұрпақ – жарқын болашақ кепілі!
